حضرت صوفی سرمست نعت کونسل کے زیر اہتمام محفل نعت کا انعقاد

گلبرگہ24؍جون( اعتماد نیوز): حضرت صوفی سرمست نعت کونسل گلبرگہ کے زیر اہتمام کل رات ایوان شاہی گلبرگہ میں انجینئر الحاج سید سخی سرمست کی رہائش گاہ پر محفل نعت کا کامیاب انعقاد عمل میں آیا، حضرت سید شاہ حسن نظامی سرمست موظف محکمہ صحت نے نگرانی فرمائی ۔ جبکہ ممتاز ماہر قانون الحاج خورشید علی صاحب ایڈوکیٹ نے مہمانِ خصوصی کی حیثیت سے شرکت کی، حافظ محمد قاسم جنیدی خطیب و امام مسجد رحمانیہ کی قرأت کلام پاس سے کارروائی کا آغاز ہوا۔ کمسن نعت خواں عائشہ خانم ، سید محمد انس ، سید محمود سرمست، سید احمد قادری کے علاوہ سید شاہ ذیشان سرمست ، اکرم نقاش ، ڈاکٹر سید چندا حسینی اکبر، سید شاہ سعید الدین سرمست، انجینئر



خواجہ معین الدین سہروردی، مظہر احمد ، مدثر یعقوبی، سید فراز یعقوبی، سید طیب علی یعقوبی ، مولانا ریاض الدین ملنگ بابا، حافظ محمد قاسم جنیدی، الحاج امجد سرمست، پروفیسر ڈاکٹر عبدالحمید اکبراور انجینئر سید سخی سرمست نے نعت خوانی کے ذریعہ محفل میں سماع باندھ دیا، عزیز اللہ سرمست چشتی القادری رفاعی نے ابتداء میں خیر مقدم کیا اور بحسن و خوبی نظامت کے فرائض انجام دئیے۔ سید شاہ خلیل اللہ حسینی، اقبال علی سیکریٹری انڈیا بیت المال، اعظم صاحب پرنسپل کے بی این انجینئرنگ کالج، عبدالحفیظ صدیقی، منور جنیدی ، یوسف جنیدی و دیگر معززین کی کثیر تعداد میں محفل نعت میں شرکت کی۔ سلام و فاتحہ پر محفل کا اختتام عمل میں آیا۔